നന്ദി കോലി നന്ദി

  122
നന്ദി കോലി നന്ദി Image

നന്ദി കോലി നന്ദി

ഇന്ത്യന്‍ നായകന്‍ കോലി വാക്കു പാലിച്ചു.പൂനെയില്‍ തകര്‍ന്നടിഞ്ഞ ഇന്ത്യന്‍ കടുവകള്‍ ആയിരുന്നില്ല ബംഗ്ലൂരൂവിലെ ചിന്നസ്വാമി സ്റ്റേറ്റിഡയത്തില്‍ കണ്ടത്.കടുവകള്‍ സട കുടഞ്ഞ് എഴുന്നേറ്റപ്പോള്‍ കംഗാരുക്കള്‍ക്ക് 75 റണ്‍സിന്റെ തോല്‍വി.

ചിന്നസ്വാമി സ്‌റ്റേഡിയത്തില്‍ ഇന്ത്യന്‍ സ്പിന്‍ മാന്ത്രികന്‍ അശ്വിന്റെ മൂളി പറന്നെത്തിയ പന്തുകള്‍ എന്തു ചെയ്യണം എന്ന് അറിയാതെ വലഞ്ഞ ക്രിക്കറ്റ് പ്രൊഫഷണലുകള്‍ക്ക് അടി തെറ്റി. ഇന്ത്യയുടെ 188 റണ്‍സ് രണ്ടാം ഇന്നിംഗ്‌സില്‍ പിന്തുടര്‍ന്നെത്തിയ ഓസ്‌ട്രേലിയ 112 റണ്‍സിന് കൂപ്പൂകുത്തി.

അശ്വിനായിരുന്നു ഇന്ത്യയെ വിജയ തീരത്ത് എത്തിച്ചത്.41 റണ്‍സ് വിട്ടു കൊടുത്ത് അശ്വിന്‍ നാലാം ദിവസം 6 വിക്കറ്റുകള്‍ സ്വന്തം പോക്കറ്റിലാക്കി.ഇതോടെ പരമ്പര 1-1 എന്ന നിലയിലായി. ഉമേഷ് യാദവ് രണ്ടും ഇശാന്ത് ശര്‍മ്മയും ജഡേജയും ഓരോ വിക്കറ്റും വീതവും നേടി പടക്കളത്തില്‍ അശ്വിന് നല്ല പിന്തുണ നല്‍കി.

ഡേവിഡ് വാര്‍ണര്‍(17),റെന്‍ഷോ(5),സ്മിത്ത്(28),ഷോണ്‍ മാര്‍ഷ്(9) മിച്ചല്‍ മാര്‍ഷ്(13),മാത്യു വെയ്ഡ്(0),മിച്ചല്‍ സ്റ്റാര്‍ക്ക്(1),പീറ്റര്‍ ഹാന്‍ഡ്‌സ് കോംപ്(24),സ്റ്റീവ് ഓക്കീഫി(2),ലിയോണ്‍(2) എന്നിങ്ങനെയാണ് ഓസ്‌ട്രേലിയന്‍ താരങ്ങളുടെ സ്‌കോറുകള്‍.മൂന്നാം ടെസ്റ്റ് റാഞ്ചിയില്‍ മാര്‍ച്ച് 16 ന് ആരംഭിക്കും.

Post a comment

You must be logged in to leave comments. Please login by clicking here.

No comment is found.